2021年10月22日 星期五

睇住個個KOL個股票倉都倍計回報,小薯都係收X算了!(2021年10月22日)

由上星期起,一直病到HIGH HIGH,好彩有兩三日打風假瞓下覺,叫做可以休息下。今日想短短地同大家分享一下在TG群組討論回報率既想法。
 
大家成日到好多KOL在網上POST圖話佢個股票倉有幾高回報百份比。見到呢堆數以百計既return %,好多人就會心心眼,跟住會好崇拜他,之後跟住佢盤去買。可是,大家有冇想過,呢個股票倉既return %點來?同時,帳上高return %其實唔一定係正面既事?

最基本,唔計股息回報,個return %基本上係(持股市值 - 平均成本)/ 平均成本 + 實際賣出既資本得益。富途個show法,就會將實際賣出既資本得益跟持股成本消沖掉,變相將個平均成本壓低,將個return計人去。
 
大家睇住以上公式,可以理解到個return %點樣可以不斷提高。
 
  1. 賣出持股,將目前既資本得益realize,同時不再買入。咁往後個持股市值點變,都可以有一個包底既return,而不再買入則代表平均成本不會上升。
  2. 不賣出任何持股,但平均成本低!
 
以上方法,在帳面上,個高return %SECURED!再進入下一步討論時,要講清楚一個concept,就係當我地講組合return,我地唔可以只討論持有股票既return,而係持有股票加持有現金合計的return
 
好了!咁我地正式討論下帳上高return %其實唔一定係正面既事。
 
首先,第一個方法。沒錯,賣出持股,將目前既資本得益realize,就可以secure左個回報,但亦代表你將一個增長中的資產變成現金。另外,為左不增加平均成本,得到一個return%,你唔再買貨,代表你呢堆現金只係放在手中虧通漲。長遠來說,呢個組合好增長唔會好。我舉個例子:
 
0年組合情況:
  • 公司A持股10萬股:市值100萬($10 x 10萬股) - 成本30萬($3 x 10萬股) = 回報70
  • 公司B持股10萬股:市值50萬($10 x 5萬股) - 成本20萬 ($2 x 10萬股)= 回報30
  • 現金 = 0
  • 股票及整體組合回報:(70+ 30萬)/ 30+ 20萬)= 200%
 
1年組合(本期新增現金20萬):
  • 公司A持股:年中股價升至$15(第1年的合理估值為$11),賣出50%公司A持股,年底股價回調到至$11。累計已實現回報 – ($15 - $3x 5萬股 = 60萬,累計未實現回報 – ($11 - $3x 5萬股 = 40萬。整體回報 = 累計已實現回報 + 累計未實現回報 = 100 
  • 公司B持股:股價維持不變 = 市值50- 成本20 = 回報30
  • 現金 = 60+ 新增現金流入20= 65
  • 股票合回報:(100+ 30萬)/ 30+ 20萬)= 260%
  • 整體組合回報:(100+ 30萬)/ 30+ 20+ 20萬)= 185%
 
2年組合(本期新增現金20萬):
  • 公司A持股:年底股價升至$15(第2年的合理估值為$12),但沒有新增持股。累計已實現回報 – ($15 - $3x 5萬股 = 60萬,累計未實現回報 – ($15 - $3x 5萬股 = 60萬。整體回報 = 累計已實現回報 + 累計未實現回報 = 120
  • 公司B持股:股價維持不變 = 市值50- 成本20 = 回報30
  • 現金 = 60+ 新增現金流入20= 80
  • 股票組合回報:(120+ 30萬)/ 30+ 20萬)= 300%
  • 整體組合回報:(120+ 30萬)/ 30+ 20+ 40萬)= 167%

大家可以看到以例子,如果我們將目前既資本得益realize,同時不再買入。在長遠向上升的股票市場,股票倉既return %係會不斷提高(看起來好爽),但包括現金組合的回報就不斷下降,因為你將一個增長中的資產變成沒有增長的現金,而又為了保個股票倉既return %,就沒有買貨。
 
第二個方法,其實就只係在第0年買完後,我們不作新增持股。因為在長遠向上升的股票市場的情況下,新增持股味著持貨成本會不斷上升,即代表股票倉既return %會下跌。用回以上例子,假設第1年及第2年都沒有買賣,第2年組合情況如下:
 
  • 公司A持股:累計已實現回報 = 0萬,累計未實現回報 – ($15 - $3x 10萬股 = 120萬。整體回報 = 累計已實現回報 + 累計未實現回報 = 120
  • 公司B持股:股價維持不變 = 市值50- 成本20 = 回報30
  • 現金 = 40
  • 股票組合回報:(120+ 30萬)/ 30+ 20萬)= 300%
  • 整體組合回報:(120+ 30萬)/ 30+ 20+ 40萬)= 167%
 
其實跟方法一一樣,在長遠向上升的股票市場,股票倉既return %係會不斷提高(看起來好爽),但包括現金的整體組合回報就不斷下降。
 
好了,不如我們假設,第二年我們用手上的60萬現金,以$12買入5萬公司A,情況會如何:
  • 公司A持股:成本 = $3 x 5萬股 $12 x 5萬股 = 75萬,市值 = $15 x 10 萬股 = $150萬,累計未實現回報 = 150- 75= 75萬。整體回報 = 累計已實現回報 (60萬)+ 累計未實現回報(75萬) = 135
  • 公司B持股:股價維持不變 = 市值50- 成本20 = 回報30
  • 現金 = 20
  • 股票組合回報:(135+ 30萬)/ 30+ 60+ 20萬)= 150%
  • 整體組合回報:(135+ 30萬)/ 30+ 20+ 40萬)= 183%
 
大家可以發現,我們在第二年以$12買入估值為$12的公司A後,股票合回報因為整體買入成本上升,導致回報率股票組合回報下降,但整體組合回報上升了!因為我們並沒有刻意保持股票組合的高回報,而不斷把沒有增長的現金換成有增長的公司(資產),從且提升了整體組合的回報!
 
其實,小薯想說的,一個優秀公司的價值,是會隨著時間不斷提升,他的不會是一條橫線, 而係一條上斜的斜線。因此,如果一個從整體投資組合看的投資者,在不斷把現金轉變資產,其實投資者個持股成本價係會越來越高,越買越貴。
 
因為Day 1 ,估值係$5,股價$10係貴,但隨時間推移,到Day 2,估值係$10,股價$8就變平,而去到Day 5,估值可以升到$50,股價$30,就變成超平。所以,如果Day 2那一刻,你見股價由Day 1$10跌到Day 2$8,覺得平,所以買入;但到Day 5,股價升到$30帳本成本價係$8,return %超高,覺得好爽歪歪,所以即使Day 5那刻嚴重undervalue$30你都出唔買手,因為唔想拉高個平均價令自己個return % 下跌。其實呢件係一件十級蠢既事!因為本身$30咁「平」果刻竟然都唔出手。
 
情況好似我見網友share了某聲稱係價值投資者的KOL貼倉,話自己AMZN個平均成本係$1000以下,而小薯見AMZN $1000樓下係2017年年中時,所以對比現股值$34xx,有2倍以上的增長。APPL則平均成本$50,現價睇就有2倍回倍。大家就可以想想,究竟他是否可以這麼神,持股不變(甚至增加),現金佔比不變,但可以通過買賣壓低平均成本,使整體組合回報年年上升?還是又是只計股票收益,disregard現金的存在?如果是前者,小薯也想了解少少他的手法學習學習;如是後者,咁小薯就真係唔會太羡慕或覺得佢勁,人地鍾意拎住過HIGH HIGH,自(我安)慰,我唔會反對。
 
,小薯自己也打咀炮,小薯一定會認7,自問冇佢地咁勁,return唔高。小薯只係識keep住加大個position,搞到而家AMZN成本價,好傷心咁由$3000以下,不斷升,升而家$3000左近return好低,小薯真的自愧不如。

8 則留言:

  1. return 永遠只應該計成個profile,拎錢定拎股票/投資物都係投資決定,無得淨係講話自己買左啲乜升得幾勁。

    牛牛圖又稱J 圖,唯一的意義係俾人自high。例如我$100 買左100 股ARKK,然後$101 放左99 股,咁我餘下的一般成本價就變成$1,天文數字的回報率馬上出現。但咁計除左自high 外有乜意思?

    回覆刪除
    回覆
    1. 哈哈,乜你咁直接嫁。我仲諗住文明D,用「自(我安)慰」

      刪除
  2. 多謝分享, 我都覺得牛牛個計法有啲取巧, 令到用戶感覺良好. 但計算回報方法又太多種, 唔同計法又唔同.😪

    回覆刪除
    回覆
    1. 其實最直接,計返你money weighted average算啦。

      刪除
  3. 謝謝小薯兄分享
    Stay invested,就算暫時持有現金,應該想買入更多
    持有資産很實在

    回覆刪除
    回覆
    1. 反而有時真係好公司太多,但無奈無錢呀~~!!!!!!!!

      刪除

阿里巴巴2022年財年第二季度業績分析(2021年12月1日)

經歷了考試的磨練,小薯終於又可以做回「股票分析師」的工作。星期六睇完了阿里巴巴的中期業績,看看股價機,就發現散戶守不住阿里巴巴的 $130 的血肉長城(小薯真的近兩個星期沒有看股價機,完全不知道這個星期原來港美兩個股市都很慘烈)。小薯興幸今天才有時間跟大家分享一下小薯對阿里巴巴的...