問下自己個心，失敗全因為「你」？

止凡兄的群組真係好有意思，因為人數多且背景多元，交流更加多元化。前陣子當中有位網友就分享了他的投資經歷和疑問（為增加可讀性，原文經修改）： 

「以前試過買股，嗰陣覺得個價算係好，在52日平均線中間偏下，結果買完仲繼續跌左兩成蝕放，之後檢討，覺得係睇唔啱位入，又試左一次，都係蝕左放。 

試過幾次，雖然損手，慶幸都係負擔得起，聽到有人建議係基本功要做好，就走去睇左一輪人地話係經典嗰堆金融書。睇完係有少少得着，但係感覺好空白，有啲好似係常識，自己都知；又有啲係睇唔明，睇唔明嗰啲，再睇左幾次，都係唔明。 

到現在見到人地話買某隻股好，有埋分析有埋圖，但都唔知點落手。買唔買？但問番自己點解要買，或者唔買，自己俾唔到一個答案同理據出嚟。 

其實每次錯左之後，自己有做檢討，檢討完再做，有時無事，有時出事，不太穩定，覺得捉唔到問題的重點。 

另外一種係反應慢，往往過左半日，甚至幾日後，先諗到點樣反應，但嗰一刻就諗咗其他嘢，甚至個腦好似一舊雲，唔知點樣反應」

 

其實看到這位網友的經歷，就想起以前小薯都經歷同一個情況。小薯不知道網友的投資經驗，不過資路上犯錯是必然的，而我們的目標不是要零失誤，而是贏稍稍多過輸就足夠。 

從網友經歷，其實每一段都有議我們反思的地方：

1. 我們反思時要真正的面對自己。網友以「52日平均線中間偏下」作指標，但「跌左兩成蝕放」，之後覺得問題係「睇唔啱位入」，再試一次又失敗。其實檢討時，我們要問楚自己是在為「賭錢」找個籍口，還是真的「投資」的方法有錯？小薯感覺網友的指標是給自己一個買入理由（好似有Anchoring），而蝕放係價跌心虛，而不是一個真正的投資模式。
2. 改過要斷準症，對症下藥。如果投資模式是輸多於贏，可是根本上模式有問題；相反模式正確，就是可能是自己判斷錯誤。正如小薯自己行價投，是對價投這個方法沒有疑問（因為贏多過輸）。即是每次犯錯，可能係是估值模型錯（那就修正），可能是評估公司錯（咁就要睇得更多資料）。
3. 「做功課」是所有投資方法都需要。其實這個世界沒有不需要「做功課」的投資方法。TA/FA/QT，不管那種方法，都是要「做功課」。如果有「功課」要做，其實更多是「賭錢」，或者做少少功課「投機」當「投資」
4. 睇書要睇得啱。睇書學習是好事，問題要睇得啱。想學價投但去睇海龜交易法，想去學基礎分析去睇曹仁超，其實就會行錯路。
5. 實踐比睇書更重要。網友讀書時感覺係常識但好空白，就更多是網友未能實踐出來。好像巴老名句不少是「阿媽係女人」，但要實踐出來才能產出一個感受。無實踐這個個動作係，cheap一點比喻，上Bio堂學reproduction，知道生物學上的高潮，好專業，但係去到60歲都係「青頭仔」，都唔會知高潮係感覺。睇左幾次都不唔明，實際是根基不夠，要補底。沒有基本會計知識，睇100次security analysis，其實都不會明白。
6. 與其聽人分析，不如親力親為。其實好多人睇人公司就當左自己做左分析，實際上係唔了解間公司。好似網友咁，睇完人分析都做唔到投資決定，就係分析唔夠無信心。End up，真正既分析，係睇N段關於間公司既YT，而係打開年報，google公司，真正了解公司的營運。真係自己落分析，會更有信心做決定！

其實好像網友的經歷，是每個投資人都會經歷。其實初頭一兩年失敗，檢討的不應是方法，應該是自己個心。自己適唔適合投資？如果發現自己無慧根，對數字無感甚至厭惡，咁不如儲錢做定期，好過「豬」左，或者passive investing投指數就算，可苦要bet the market？與其花時間睇財演嘗試bet the market，不如做下自己開心既野好過。當然如股票係enjoy「賭錢」既快感，無他的，唔好怨豬錢就得。 

如果真係有興趣投資，而TA、FA都試過，又可以想想那一套方法適合自己。其實投資方法同老婆一樣，無model answer，無對與錯，只有適唔適合。知道那一種model啱自己，就去努力鑽研。可是，但係就唔好以為1、2年就精，可以戰無不勝。小薯自問到到而家仲有大把野學。對住市場，stay humble，stay foolish，always day 1！