2021年10月11日 星期一

睇年報點睇?小薯心得談(2021年10月11日)

其實係不同的TG群組,都有人問小薯點樣看年報。其實,技術上點樣看年報,小薯在拙作《年報解密》已經討論了不少,今日反而想從自身經驗跟大家分享一下睇年報既心態。 

其實,看年報對小薯來說是,係一個找答案既心態,係一個解謎的過程。其實,在看年報之前,小薯會先將自己先當成一個經營者去想,從大方向先想:「我點先可以賺錢? 長遠我點樣先可以打贏其他對手?如果我要發展,是從那個方向發展?」這些都是初步研究時必須問既問題。之後每年看年報時,再問問:「上年既目標達到未?在未來一年先有什麼問題我要解決?這些問題我要點樣解決?」 

一開始未必需要以企業角度去看,可以從自身出發。例如我們分析金界,先不要想太多金界如何做,而是我們自己如何做?假設在自己與別人打麻雀: 

  1. 那個位是最冇風險賺得最多?抽水那個?定落場打牌?
  2. 點樣可以賺多D?其實呢個問題,不外乎開源節流,當「源」(現金流入)大過「流」(現金流出),果先叫賺錢!
  3. 開源:邊個係你既客?邊類形既客貢獻得最多?
  4. 節流:D錢洗左去邊?你係做抽水那個,即係你俾在場出來,又要包人飲食,即係租金?飲食原料?仲有冇其他成本?
  5. 下一步,你要開個場俾親朋好友打牌開睹,就要(生財)工具,麻雀、麻雀枱都要掛!仲有煮食,都要有爐具那些吧!
  6. 咁買呢批工具D會錢邊到來?自己荷包?定向銀行借錢?

基本,將以上問題套返落金界,就可以大約知道金界個生意點做。 

之後,你真係開左場出來:

  1. 你發現,原來親戚唔係新年先來,係一個月來兩三個星期,仲要相識滿天下,你發現一張麻雀枱唔夠,咁你要點做?
  2. 你間屋只可以放到兩張麻雀枱,但原來朋友多到,長期要四張麻雀枱,而新年果時更加多到要八麻雀枱。你要租多間屋,定係買多個單位?但你又無理由為左新年果一個星期,再租多兩間屋(要簽兩年租約)吧!咁可以點做?
  3. 同開場果時一樣,你要開多幾個場,錢邊到來?又係自己荷包?定向銀行借錢?定係你發現一個人管理兩個場好辛苦,就找隔離鄰舍,分少少「抽水」俾佢,要求佢提供個場,同叫佢幫手睇住果個場,而你就負責分流班朋友去隔離鄰舍果場。
  4. 但好境不常,有一日你中COVID-19,要隔離21日,唔可以同人打牌,個場又被政府要求大清洗,咁你立即冇收入。你剛剛提及果D支出、租金,生財工具,都要俾錢,就算唔洗俾,你自己(即係人工)都要食吧!仲有如果你之前係借銀行錢買工具,你都是還錢吧!咁你個戶口入邊既錢,可以燒幾耐? 


基本,將以上問題套返落金界,就可以大約知道金界個生意要發大來做要點做,在COVID下,金界可以點生存,而你就係要從年報找呢D問題既答案出來。但係,好多時,年報唔係直接講個答案出來,而係要計下數,睇前(管理層分析)夾後(財務報表),再夾其他消息,咁先找得到個答案。

 

其實,以上呢D問題,你會發現唔洗好強既business sense,只係你願唔願意想多少少,而唔係坐係到等人餵口。其實你經營一個家庭,同經營一盤生意一樣。每個月收入開支點分?租屋定買樓?如果多個小朋友,又要點做?小朋友(子公司)長大左要婚,要一起住(繼續是公司旗下的公司)定分開住(分拆)?其實,呢D咪同經營一盤生意,考慮既問題本質上主線唔差太遠,只係生意的持份者較多,就好像要想多一些。與其想得咁複習,不如先簡化,再慢慢發展支線? 

其實,都有TG群的朋友都有人問過我睇年報睇幾耐。其實真係要睇下睇咩公司。睇新既投資標點,咪睇會睇耐D,因為腦內係出滿「黑人問號」,要答呢D問題當然要花多些時間。之後,就會知道果間公司有D咩關鍵位,就會睇快好多。

如果間公司係成長型公司,好係SEA,通常小薯會睇密D,貼D,因為呢類型公司的不確大D,自己既題都會多D。

D悶到癲既公司,好似VRSN,小薯基本上report都未必睇,可能只是花30鐘睇下份投資簡報、transcript就完。因施為小薯者VRSN基本上個business model唔會變,只係睇下個.com/.net增長,同.com/.net協議有無變,就完了!

 

以上只係小薯睇年報時既一點心得,每個人都有佢自己最有效既睇年報方法。可是,小薯可肯定的同大家講,睇年報係沒有SOP(標準作業程序),一定要多睇,多想,多學習,先會知道點去分析拆解份年報!

 

再接下來的部分就是PATERON會員限定。

13 則留言:

  1. 先有前設問題,再搵答案...我都係咁架,慳好多時間

    回覆刪除
  2. 《年報解密》...not detail and clear enough ...too simple in actual application

    回覆刪除
    回覆
    1. 未知股怪兄是否資深投資者,或是對會計有深入認識?
      小薯大多聽是較深,太複習,資料太多。不過,小薯也同意一本書很難把所有年報、財報和投資的概念很完整解釋。
      因為會計本身在大學已是專業學科、也是一門專業,更在實際有不同的應用方法。
      所以小薯一直也主張要多睇,多看,多學,去更新自己的知識。

      刪除
  3. 小薯,您好! 我是價值投資初哥, 看了幾本講估值書包括你著作的年報解密都是一頭霧水, 可能我對會計又沒深入認識, 所以老鼠拉龜, 不知怎樣閞始. 我曾經嘗試用最簡單方法去用市盈率去預測合理價, 但是怎知或計算來年既預測EPS呢? 沒有預測EPS, 就不知現在價錢是否合理. 又或者如果我知一隻股中期業績EPS 是0.15, 假設盈利下半年和上半年一樣, 我可否用0.3 作為預測EPS? 但就算這能預測今年估值但下年又怎樣預測公司賺多或少? 如果不能就只有上網找大行的盈利預測, 但好像很被動. 另外是如果用 P/B 估值 就算知道中期NAV 都不可x2 為年尾的預測的NAV, 因為都不可以假設股東權益可以double, 似乎不現實, 但網上很少大行會有2-3年的NAV, 所以另我頭大了, 又無從入手.

    回覆刪除
    回覆
    1. 謝謝你對拙作的支持,有不明白的地方可以隨時在這裡問呢。

      其實所謂預測EPS,就是對公司下一年的EPS的預期。這個預期其實建基於對公司的了解。每個分析師都是根據自己對公司的了解去計算出一個預測EPS。所以,你應該首先了解公司的情況才去預測EPS。例如AMZN,每季公布業績都有下一季guidance,而睇佢過往業績,可以知道公司Prime Day同thanksgiving week會有不錯的銷售表現,通過這些財務和營運數據就可以form一個今年的盈利預期出來。

      之後,看公司的對管理層的發展想法和大體經濟狀況,和過去公司的業績情況,又可以再推斷下年或更遠期的盈利。例如,過去5年銷售CARG大約20%,只公司和經濟狀況沒有大變化下,你可能預期下年也會20%。預期就是由你對公司財務和營運的了解而得出來的。

      你說的簡單年化不是不行,但你都要結合一下實際公司情況。例如,如零售公司下半年通常較上半年好,簡單年化就可能低估了。或者下半年突然出現lockdown,業務停止,你也不可能要求下半年的盈利跟上半年一樣。

      其實大行也是通過上面的方法建立一個模型去預測公司盈利。所以,你第一樣要做不是預測盈利,而是見看管理層的發展想法,了解公司的營運情況,即使看不懂報表,也要看管理層分析。你睇管理層分析,也可以得到一個預期。之後你睇一睇公司過去數年的財務數據,不要說太深的,升跌%你都應該識計,那你大約得到一個趨勢去得到一個預期。當然,最後是要學懂睇報表,因為會計報表是商業的語言。

      NAV的變動,你可以超簡化為Beginning NAV + Profit for the period - dividend paid - share repurchases = Ending NAV。其實你有一個盈利預期,就可以計到預期NAV。這是會計公式。

      大行預測其實都是估,可以作為參考,他們不一定對,而你都要有個判斷,大行的預測是否合理。例如,SaSa,上年因為Covid虧損,而家香港仲封關,如果大行說今年SaSa銷售會升5倍,更虧轉盈,盈利比2019年更要高出4倍,你覺得合唔合理?其實最重要,你要先了解清楚公司的營運情況,你可以判斷大行的預測是否合理。

      刪除
    2. 我還有一問題是內地股報表有一項是扣除非經常性損益之盈利, 其實要真正計核心EPS 係要用呢個數字而唔係用淨利潤? 謝

      刪除
    3. 你能這樣看。當然你都要看清楚什麼扣了什麼冇扣,以確保這個item 有冇誤導。EPS本身在年報也會報,所以大行/新聞會直接用。可是,net profit入面會有好多一次性項目,所以當我地評估公司的經營情況,就會核心營利,將一D一次性項目exclude左,這樣會較好。

      刪除
  4. 想請問用DDM估值, 10年期債卷孽息率應用幾多年平均值 (我想應該不會用今天的值, 因為每天都再變), 還有恆指過去平均回報率連股息有什麼網頁可參考? 謝

    回覆刪除
    回覆
    1. 其實應該是用預期10年期債卷孽息率,小薯通常都會參考今天值加多少少定一個固定息率(say 1.6% or 2%)。
      恆指過去平均回報率,你可以在恒生指數的官網找找。

      刪除

會計知識對投資真的必須?

小薯 前 幾 天 分享了中電虧損之謎( LINK ),之後就有網友問投資所需的知識要求:   「其實想如果做基礎分析,要知幾多東西?是否過到自己那關就足夠?」   「懂不懂這些知識(小薯理解應是中電那些衍生工具和會計知識), 對一位做基礎分析的投資者來說, 是不是不太重要?還...