快狗發盈警，點解只係「車」一聲？

之前小薯寫過一篇關於快狗 (aka. GOGO Van) IPO文章（LINK），果時小薯對快狗既賺錢能力R頭。琴日做research時，發現原來快狗出盈警（LINK），話2022 1H同比輸多3倍！就八卦下，學下D KOL gel下頭，睇完就車一聲，原來非戰之罪。原警有三大原因一句可以講哂：「打完仗（上市），當然要犒賞三軍」：

A.  以股份為基礎的酬金費（aka. share option）用增加：其實就係之前派option比堆高管或者員工，咁而家快狗上左市，估值上升，自然個參考公司估價既share option value都會上升（或者派多左share option），變相俾呢堆高管既支出好似增加左。其實都係一個公司剛上市後經常出現既情況。

B. 可轉換可贖回優先股的公允價值變動虧損：即係係Pre-investor，犒賞他們作為「伯樂」睇中隻「狗」既回報。Again，快狗上左市，估值上升，自然個參考公司估價既可轉換可贖回優先股既value都會上升，變相又係好係虧損增加左。其實都係一個公司剛上市後經常出現既情況

C.  上市開支增加：上完市，點都找prof fee（專業費用），班ibanker、auditor、lawyer唔係食西北風煉仙呢！

以上三樣野，理論上係唔會影響公司營運，甚至只係因為「上市」呢個動作衍生出來。不過，我地再睇清楚？ 

1. 2022年1H收入預測中位數約3.37億，上年同期3.02億，同比升11.5%。管理層當然又係賴疫情啦（小薯都相信有部分係呢個原因，始終4、5月lockdown），但係睇返2021年對比2020年增加24.5%，跟2021年對比2019年增加20.5%，作為「成長股」，2021年1H增速會唔會低左D？
2. 管理層提供既經調整虧損淨額（即係加回上面A、B、C既利潤）預測中位數約1.2億，對比上年同期約8800萬，虧損擴闊左3400萬或39%，又係增收不增利，仲要係已經剔除左上面非現金跟一次性影響，即係本業再輸多左，係堅流血！
3. 但係，如果我地睇返帳面既公司權益持有人應佔虧損預測中位數10.83億，上年同期2.47億，增加8.36億，上仿面A、B、C三樣加大虧損7.72億，即係帳面利潤輸多6400萬或26%，同管理層既數差3100萬，咁管理層又剔除左咩？可能係公允價變動既非現金項目，等業績出來就會知（如果大家想八卦既話）。
4. 不過又唔好話管理層，管理層係招股書都講明左：「往後三年（2022至2024年）依然見紅」，咁虧損擴闊有咩咁出奇？