2021年4月23日 星期五

加密貨幣的永續合約,哥利亞在BITCOIN戰場上的武器(2021年4月23日)



剛剛又學到新野,而家加密貨幣交易中人氣最高的一種方式,原來是永續合約。究竟永續合約係咩,大家可以去呢個網頁睇睇(轉送門)。

呢個永續合約同我地見慣既股票沽空有D唔同,沒有到期日,亦永遠唔洗被交割粒「幣」,所以做空就更容易。即係咩意思?大家睇落去就明了!

大户係冇平倉限制,即係唔怕要現貨補倉,同short squeeze。假設BTC係長升不跌,佢地個position最多係無限的unrealised loss,直到爆margin為止(不過假設與股票沽空同樣的LTV,依然爆既機率同現金需求,會比股票既沽空細)。基本上只要個investor唔mind帳面損失,得閒跌多少少錢去補倉,就可以同做LONG side 既散户磨爛席,鬥長命,直到個BTC價跌到中個contract price為止,先平倉賺錢。再者,在BTC欣欣向榮時,想做LONG 既朋友應該會佔大多數,咁做LONG果時,就可能需要向沽空 BTC 的交易對手支付一筆資金費率費,作為維護永續合約價格的力量,變想會壓低LONG side 既回報。

咁呢個狀態,其實比起大戶沽空股票,對散户更不利。雖然嚴格來說,呢個永續合約市場係「場外」市場,同BTC本身的「場內」市場是兩個市場。不過,可以想想,如果股票市場個情況,如果「場外」個party咁「興奮」,「場內」會感受氣氛?始終,都係核心既外圍都係核心既內圍。

睇今日既數據,Hedge Fund ("HF") 而家既net position 係 BTC短倉約1.48b,其他人(主要是散戶)長倉約美元1.4b。即係又係大衛大戰哥利亞既戲碼。同GME不同是,而家係 HF Short 1: 散戶 Long 1,但GME HF Short >1: 散戶 Long 1 ,加上無冇平倉限制,想上演GME既大衛大戰哥利亞就更難!

睇住呢個Case, 如果友仲FF大機構繼續看好BTC,玩芬佬大戶會持續買入,BTC會再無止境炒上。不如認清真相,其實人地係「披住羊皮既狼」,做緊你「上家」,咁人地係「幫緊你,幫緊你」,定係煮緊你?大家心照呢。核心既外圍都係核心既內圍,「場外」party點樣短期影響「場內」的正經人家,小薯不清楚。不過,個party總有完結的一日,如果大家相信BTC的存在值,in long run 個幣價也是向上升(跟公司的價值概念一樣)。

唔知大家又明唔明上面既情況?呢種衍生工具,小薯自問未完全理解成個implication,如果有錯,不妨狠狠的打小薯塊面一把,在下面留言,讓小薯學下野,有機會「撥亂反正」。

最後講到底,如果見「幣」火而入場,就死左都唔咩事,果時「弊」加火了,喊都無謂。不如專注返自己熟的項目賺錢好過!始終投資都是為了賺錢!

1 則留言:

  1. 正解
    一班散戶以為機構會遲吓買入
    機構會成為佢哋隊友

    其實機構一早落咗場,
    坐喺對家。

    結果係點,大家心入面清楚
    🐒

    回覆刪除

阿里巴巴2022年財年第二季度業績分析(2021年12月1日)

經歷了考試的磨練,小薯終於又可以做回「股票分析師」的工作。星期六睇完了阿里巴巴的中期業績,看看股價機,就發現散戶守不住阿里巴巴的 $130 的血肉長城(小薯真的近兩個星期沒有看股價機,完全不知道這個星期原來港美兩個股市都很慘烈)。小薯興幸今天才有時間跟大家分享一下小薯對阿里巴巴的...