今日小薯想講一間英國公司，係好啱「息魔」，目前股息率6.1%，不用扣稅。過去股息年複合增長（CAGR）高達11%，而未來2021年至2024年，管理層預計每年全年股息增長3-6%。在2021年中期，公司派發的中期息同比增加5%。管理層更加講到明，打算通過一種公式化既方法，即中期股息增長百分比會同上一年的全年股息增長百分比一樣，即係下年既股息有數得計！
退休基金計畫（pension plan）
其實，退休基金計畫依其財源之不同可分為三種類型，第一：僱主提供既退休金，第二：國家提供既退休金，第三：本人自行儲蓄既退休金。之前我地既180高官都同大家解釋過呢三支柱，但180高官咁接地氣，唔知大家明唔明，反正小薯就要自己搵資料先明。
第二、三種小薯唔會解釋，因為唔關公司既業務！因此，小薯會集中講第一類。僱主提供既退休基金會再分為兩類：
確定提撥制（defined contribution plan）
呢個制度係指僱主或員工每年（月）支付一定數額或人工既某個百分比落退休基金，之後交付基金公司去管理運用同增值。員工退休時，就會將員工與僱主共同支付既資金和增值既金額俾個位退休員工。呢個方法，員工可以拎刊既退休金就完全決定於員工與僱主共同俾既資金和增值既金額，員工係保證唔到退休金可以收到幾多，基本上員工就要承擔所有投資同通貨膨脹既風險。
睇完個解釋，係唔係好熟面口呢？我地香港頂頂大名既「強姦金」就係呢款！實際做法就係，每日返工，每月出糧，每月儲錢落MPF。到你退休60歲踏入「壯年」，一次過拎晒所有MPF，但你拎幾多？唔知WOR，睇你自己做化啦！
不過，大家睇下自己個MPF
statement，回報有幾多，心照啦！無他，基金公司根本無誘因同你搞咁多野，升又無得袋，跌又唔洗賠，即使啲錢全部做定期，同放有哂係要睇50年既2800，佢自己都係每年根據個管理既資產總額收一個百分比做管理費就已經好和味！仲要唔洗跑數，自動每個月有人獻身給錢佢管，又再收多啲管理費，咁點解要咁辛苦去追回報呢！
確定給付制（defined benefit plan)
呢個制度係指僱主會承諾員工係退休果時，會按協議支付定額既退休金，至於員工與僱主共同支付既資金同增值既金額係無必然之關係，退休金既金額通常同薪金及服務年資掛勾，而如果要支付退休金既年期給他一個期限，呢個期限就會「永遠」。同樣，比落退休基金既錢都係交給基金公司去管理運用同增值，去make sure退休果時，可以用投資回報養位呢份退休金。
睇完個解釋，係唔係都好熟面口呢？我地香港舊制公務員個個拎到流口水既「長俸」就係呢款！實際做法就係，每日返工，每月出糧，每月儲錢落個退休基金。到你退休60歲踏入「壯年」，個基金就會每個月給你一筆生活費。拎幾多？又係睇你做化，你唔夠老，無得拎（因為1999年或之前入職既公務員先有），你好有熱誠，可能你升唔到上位，人工唔夠高，可以拎既好少。拎幾多？拎到你拎唔到，又或你自己好有「奉獻精神」，自己做啲野等政府唔洗給長俸。
其實外國通常都係行呢個方法，所以你睇外國公司既Financial
statement，通常都會有一項「Defined
contribution plan obligation」同「Plan
assets」，就係呢個傢伙搞出來既「愛情結晶品」。呢個制度，對員工當然係天使之音，對僱主就係無間地獄，點解？因為：
- N年前個環境邊人咁低息？2008年金融海嘯之前，個FED effective rate通常講緊4% - 5%，你commit 一個回報低過FED effective rate，D人唔話你膠都算厚度了！
- N年後既今天，FED effective rate講緊1%以下，投資級別既債券，yield rate可能得3%或以下，買高息債，又怕個default risk，唔通你叫Fund Manager all in 恆大債咩！
- 仲有，實係2000年，已發展國家人均預期壽命大約75歲，而家預期係2050年會去到大約85歲。大佬，Fund Manager預你75歲過奈河橋，而家個個同我做人瑞，點同你鬥呀！
- 結論係咩？（1）commit 既支出高到上天花板；(2) 賺既錢又少左；(3) 要付錢既年期又長左，咁結果只得一個，就係個退休基金唔夠錢付退休金。
咁點解決？無理由要老闆自己係自己個荷包拎錢填呢個窿，咁唯一個解決方法就係波推給「其他人」，而呢個「其他人」係邊個？就係今次既方面主角LGEN。同時呢個波，就係LGEN既「養老金同退休服務」業務，再成就左小薯好鬼L鍾意既business model！解析完LGEN既「養老金同退休服務」業務係點來，接下來就解析LGEN其他業務版塊。
上圖就係LGEN引以為傲既business model！四大支柱，五大業務，超高回報，流哂口水！
1. 藍色方塊酥（咁香口既方塊，仲唔係方塊酥？）：退休。呢條支柱包括兩項業務，第一是養老金風險轉移，第二是退休解決方案。呢兩舊野係乜家伙呢？養老金風險轉移就係小薯上面講果個「波」，班老闆唔想搞Pension呢個窿，所以就將個Pension賣比LGEN，等LGEN管理，而LGEN就答應個老闆幫手俾個退休金。退休解決方案就唔涉及買斷Pension，主要是提供服務給老闆，去設計同管理退休金計劃。主要客戶就係UK同US，楓葉國都有。 上圖就解釋左公司係gloabl market既position。
除左機構客，LGEN仲會最埋零售。呢邊主要做：1) 退休收入：提供年金同其他養老金收入產品；2) 退休貸款：提供終身抵押貸款（即係逆按揭，壽單按揭果堆），幫助退休人士增加退休資源；3) 財務建議：提供有關公司的終身抵押貸款的財務建議; 4)健康和護理：幫助客戶尋找不護理服務和提供資源以照顧自己或他們的親戚。（小薯：係唔係越睇越係班官推緊既野呢？無錯，人地行左好耐，我地香港而家先搞）
2. 綠色方塊酥：投資管理
(即係香港班MPF芬佬)
LGEN收左堆Pension返來，又或者提供退休解決方案，要幫個老闆俾個退休金。咁LGEN都要舊錢去俾個退休金吧！咁舊錢點來？就係呢個投資管理既方塊。佢負責將Pension既錢做投資，自己去揀投資物。賺既，就係management
fee。
除左defined benefit plan 呢類既pension資產之外，LGEN仲會接受人地既defined contribution plan既pension資產來管理，仲會為其他機構提供投資管理業務，例如：大學獎學金，保險公司、政府及公營機構。上圖就係一啲例子！
3. 黃色方塊酥：資本投資
LGEN除左幫人管理資金，見到好野，無理由自己唔食埋一份既！呢個業務就係自己出埋錢，一齊投資。賺既，就係investment
return。實際上點做？就係將佢自己筆錢同上面（2）收返來既錢，pool埋一齊做投資。假設佢個investment
return 係15%，佢自己果筆自有資金當然會袋哂15%啦！如果（2）果班客係要求8%回報，咁佢係15%回報裡面，俾左8%，剩返果7%就係佢自己袋。
4. 灰色方塊酥：保險
根據小薯粗疏的研究，其實公司既開國業務係人壽保險，而家係英國排名第一既個人人壽保險提供商。除左個人保險，仲有團體保險業務。公司而家有550 萬英國個人人壽保險客戶，180 萬個團體保險客戶做同130 萬美國人壽保險客戶。公司仲會做埋再保險業務。
保險係咩，大家應該有啲了解，小薯唔多講了！其實LGEN個玩法就係同巴老一樣，係保險客到收一舊無資金成本既浮存金（即係保費），用保費（加埋（3）果堆錢去投資以賺取投資收入，投資收入既一部分就用來做理賠、俾（2）果班大帝要求既回報、俾（1）既退休金同提供俾客既退休貸款。
四大支柱，五大業務，小薯就叫做介紹完。咁實際上佢個business model點解小薯會咁鍾意？我地又再召喚下面呢個圖，其實LGEN個LOOP LOOP LOOP大法係咁玩：
C. 另外，（3）就會交係（1）同（4）收返來既錢，加埋佢自己既錢，交俾（2）果到做管理，或者自己直接投資落一啲實物資產（detail下文再講），（2）就收管理費，（3）就將投資回報。
D. （2）果個度都會收到一班客啲錢，呢堆錢又可以投給去（3）pool埋一齊，做[C]那個步驟。而（2）呢班客，又主要係大學獎學金，保險公司、政府及公營機構，佢地既投資年期通又超超超長，所以同又唔怕俾人draw資金走。
E. 同時，因為（3）會投資落一啲實物資產，咁（2）係資產管理角度，就可以收購（3）既實物資產作為其中一項投資。
F. （2）果堆資產管理既客戶，其實又有佢地既退休需求，咁（2）又可以射堆客俾（1），之前又行[A] 既步驟。上圖就講緊呢樣野。
去到呢個位，大家就睇到一個好正既LOOP，LGEN收的一堆錢，而呢堆錢不單止唔洗俾息，人地仲要俾返管理費佢，而呢堆錢同時又可以超長期嘅投資，食埋呢堆資金嘅複息效應。食完堆管理費同埋個投資回報後，自有資金池又加大左，又可以再做超長期嘅投資，再反焯個複息效應。當然，除左繼續食複息效應，都會將回饋給我地呢班「息魔」股東，做到股息年複合增長（CAGR）高達11%，而未來2021年至2024年每年全年股息增長3-6%，呢個promise。整個model明符其實既「Use other people money」。
睇到呢個位，大家應該就會grap到一個感覺，LGEN除了文首「退休服務」業務呢個鐵腳外，另外一個鐵腳就係佢既「投資」業務。因此，我地另外一個關注點，就係佢既「投資」業務做成點，而which呢個「投資」業務（包括資本投資及投資管理兩個支柱），係貢獻左LGEN一超過25%既利潤。有關呢項「投資」業務，小薯另文再跟大家分享。
LGEN系列：
想請教小薯兄點樣找到尼隻股票？
回覆刪除只係想下邊D係加息受惠行業，再想睇下UK股票，就找到呢間。
刪除Defined benefit and Defined contribution既定義好似掉轉左
回覆刪除對，定義掉轉了，不過例子沒有錯。幸好不影響公司的營運模型的理解。
刪除