港股唔掂，不如遠走，「息魔」獵物，LGEN（投資業務篇）

2021年12月18日星期六

港股唔掂，不如遠走，「息魔」獵物，LGEN（投資業務篇）

上一篇小薯討論了LGEN的「退休服務」業務（如果未睇，就D睇左先：傳送門），今次就大家討論一下公司既「投資」業務。

係深入論公司既投資項目之前，我地先講清楚公司的投資是全覆在所有業務，而LGEN個盤有幾多呢？睇下上圖，LGC係資本投資、LGR就係Pension業務，而LGIM就係投資管理。大家可以睇到，LGEN整體的管理資產有約60%係債、35%係股權投資，4%係「另類投資」（「另類投資」係咩，下文會解釋）。

點解公司大部分既投資物都係債？因為公司要俾Pension，係LDI（即是負債導向的投資計劃，目標最小化和管理負債風險，履行責務，然後產生資產回報），因而無cashflow mismatch的問題。另外，呢部分另外一部分資金來源係保險公司或者自己既年金項目，亦到無可能全部投於高風險項目。因此，LGEN的投資一定係一定大部份係 debt investment private or open market) ，大約 60%。

好了！知道點解咁多債，就要了解佢個債既盤，大家睇上圖，就大約了解公司個債組合，基本上100%都是投資級別的債券。佢堆債在2021年上半年無出現違約，亦支付預定現金流的 99.7%。再睇下佢由2007至2020年違約情況，除左2008金融海嘯，其他時間基本上都無違約情況，證明公司個選擇債券的能力有多厲害。Match 到cashflow之餘，仲可以賺credit spread。

除此之外，理論上，在加息週期，debt既 yield rate或者coupon rate都會提高，但insurance、annuity同pension都係cheap money，所以加息情況下，公司在credit spread上會再賺多左，上圖公司做既sensitivity analysis都說左。

之後就講一下公司LGC投資項目。在討論之前，小薯先釋一個term「另類投資」。「另類投資」包含範圍較為廣泛，包括貴金屬、收藏品、藝術品、古玩、紀念鈔、硬幣、郵票等有形資產和房地產、大宗商品、私人股權、不良債券（doubtful debts）、對沖基金、碳信用、風險投資、電影製作、金融衍生品和加密貨幣等金融資產。簡單點講，另類投資是指在除股票、債券和現金之外的投資。

咁點解要「另類投資」呢？因為「另類投資」通常同更傳統的資產類別的相關性較低，亦都令投資組合更多元化，降低了投資的整體風險。許多另類資產還可以對沖通脹。最重要係，目前最對低息環境但面對加息及通漲的情況下，股票、債券和現金並不一個favorable的投資品（小薯也有在PATERON解釋），相反，但「另類投資」有可能提供比傳統資產高得多的回報，也有較大的通漲保險（睇下上面。雖然「另類投資」的範圍就明了），「另類投資」要求的投資期較長，但對有長期資金既LGEN不是問題。

解釋完「另類投資」，就明白點解LGEN過去幾年都加大「另類投資」的佔比。

公司的目標更是在2025年達到56%的LGC既投資產品係「另類投資」，而相對傳統的債券投資約2-3% return，「另類投資」則會offer到10-12% return。因此，當debt investment 提供LGEN stable return，「另類投資」就係LGEN新既 growth driver。

咁實際上，LGEN既「另類投資」係投資咩？上圖就點出左LGEN既「另類投資」四大範圍，小薯就會在以下逐個版塊討論。

Housing

公司既Housing sector主係CALA同做affordable housing，亦係LGC最膽既投資sector。CALA係公司既物業發展公司，係全英（以收入計）排第十名，而affordable housing即係好係香港既公居屋、新加坡既組屋。公司係呢個sector有領導地位，玩法係通過自家CALA發展公司起樓，出租俾人，return大約15%，之後成個盤打包轉俾LGR（退休業務）或者第三方。呢個盤既租金就為LGR（退休業務）帶來現金流，而LGIM / LGC就負責管理，收管理費，而將居屋賣左出去又資金回籠，可以發展新業務，再LOOP LOOP LOOP。

除左affordable housing，公司都用同一個方式去搞Suburban Build to Rent (SBTR) （即係在郊區建設大型建築群出租）、Later Living accommodation（即係護老院）。

以上就係公司Housing sector 在2025年的target。

SME Financing

呢部份公司主要做Pemberton 做loan financing，係全英同歐洲第二大non-bank lender。另外一項業務就係做venture capital，呢部份過去10年CAGR 有32%。當然，做法都係 LGR 或第三方拎資金，再投入去做loan financing同venture capital，之後自己收management fee。有D正野，咪自己投埋入去，賺埋個capital appreciation。

Specialist Commercial Real Estate

呢項業務，主要係投資係生物科技既實物資產、Data centre，同做市區重建。呢項業務係一項輕資本業務，因為開發項目既資金來源主要係 LGR 或第三方。

Clean Energy

ESG近排hot到爆，唔洗講。公司係呢個segment主打搞clean energy既infrastructure（當然唔係自己起，而係投資入renewable energy infrastructure manager公司同一個renewable infrastructure funds），以及投資落入ESG 公司，例如EV充電站公司，太陽能電池公司等！

講到呢到，公司既投資就講完了。小薯就來一個final conclusion。其實點解LGR投咁多debt investment，回報唔錯，點解無端端又玩「另類投資」呢？好簡單，就係想增加現有業務既財務回報，但同時又唔洗增加太多資本。做法當然就係：

• 加大SME Financing 同Housing Sector啦

• 由一堆回報較低既城市更新項目回收資本，再將之投到數據中心、生物科技提供更高回報既大學項目。

• 由一堆成功的清潔能源初創企業中回收資本，再投入其他進入類似既初創企業

• 增加 LGC 四個部門的既三方資產到 25-300 億英鎊，再創造股東價值，即係use other people money

• LGC 與 LGIM 合作，自己製造資產去支持公司 PRT 業務（始終PRT 業務是LGEN最大的業務），由係講緊上文既LOOP LOOP LOOP循環系統。