2023年1月24日星期二

恆大怒炒羅兵咸,小薯赤口同大家開年

今日初三赤口,先跟大家拜個年,同時同大家分享一件鬧交的故仔!原本這篇文章只是想出個FB POST就算,不過寫下寫下就好HIGH,都係出篇文好玩!恆大終於換核數師了!大家可以一路睇住公告,一路睇呢篇文。 

其實小薯真的覺得恆大遲早會換核數師。通常核數師都會是自願辭職,大家和平分手。畢竟羅兵咸想想明哲保身:

  1. 財匯局已經對恒大物業的賬目展開查訊
  2. 公眾exposore太高
  3. 已經搞清盤,如果有清盤官入場同PwC的結果有不同,PwC又會一身蟻。

所以睇公告內容,明顯有些地方是故意搏抄的! 

可是,今次真的是被炒(建議辭任),還要羅列一系列罪項,當中有些罪項其實都幾嚴重

  1. 要求有恒大汽車做獨立調查告。報告要查下有幾多表外理財產品、負債和未披露的存款質押安排(其實潛台詞就係話我覺得你班管理層有心隱瞞,誠信有問題,我信唔你,唔該找個人幫你做人格擔保!)
  2. 134億元的非貿易應收款項問題。看字眼PwC應該是初步接受報告內容(最終報告其實通常都最後一刻先出呢)。非貿易應收款項不是一個欺詐或誠信問題(係都講到唔係啦!犯法嫁!),只是內控問題出了漏洞,整改就行!可是,一如既往,要拉埋律師落水,要求律師意見,下一步又有邊個律師做死士?
  3. 要管理層進一步提供若干借款合同條款遵循情況。即是知道有其債務,但到現在都唔知有無違約,是否意味公司債務問題比相像更不清不楚?
  4. 要做一份不少於12個月的現金流量預測,仲要有理有據。老實講,連管理層都唔知過唔過到12個月時間,要求管理層做不少於12個月的現金流量預測去証明公司可以持續經營,其實真係好難(但呢個要求係合理也是審計準則下的合理要求)。另外,要有理有據,其實係留左伏線:「唔係我PwC唔俾你過,但你都要滿足都我先。」可是,點樣滿足,就是可詮釋的位置,例如:公司話有銀行可提供信貸,PwC要有法律效力的借款文件?要一紙意向書?還是行長在PwC面前的一個口頭承諾即可?不同程度的「有理有據」其實都可以玩死管理層。
  5. 開發中物業及持作出售竣工物業可變現淨值(即是恆大批樓可以賣到幾多錢?)其實呢個要求好容易,但要可能PwC唔信公司可以交付到,或者學覺得要賤價賣。可是,如果可變現淨值低於成本,就要作出減值,又有影響借款合同的條款遵循,又回到要求三的問題了!
  6. 已支付的土地使用權出讓金的可回收情況。其實土地使用權出讓金已經付了,不管付了給政府還是付是給其他企業,都不會退錢啦!更不要說見到恆大目前的狀況。可是,如果提供不了可回收的證據,又可能要作出減值,影響借款合同的條款遵循,又回到要求三的問題了!
  7. 恒大汽車的汽車業務板塊現金產生單元的未來現金流折算淨值。人話講,就係要証明恒大汽車可以盈利、賺到錢。可是,現在連交付都成問題,還要求可以盈利、賺到錢,仲要有證據支持。雖然要求合理,但對管理層一樣是強人所難,而且「有證據支持」,其實跟要求四的現金流量預測,PwC點樣先叫滿足先?
  8. 合併財務報表及部分附屬公司的個別財務報表。呢個要求是最、最、最、最基本,連公司的財務報表都沒有,點做審計呀!
  9. 未決訴訟事項清單、負債之完整評估資料。其實都是合理要求,不過重點是「完整」!問題是可能連管理層自己都唔知有幾多野上身,還要證明這個清單是完整的,那點樣答PwC

其實睇完所有要求,其實好像是管理層辦事不力,提供不了文件。可是,來解決的事項,好像第四至七項,或多或少都要看PwC對管理層提供的文件是否滿意,如果不滿意,也不能算是解決。雖然整個公告都是PwC說管理層辦事不力,但管理層也在公告一開始時說:「由於羅兵咸就本集團持續經營編製基礎及相關披露影響的評估,資產的減值評估要求額外的審計工作及程序,雙方對工作範圍及時間表未能達成一致」,多少也在投訴PwC的不合作或「要求過高」。 

在公告中也同時公佈委任上會栢誠會計師事務所有限公司(LINK)為新核數師,而上看上會栢誠的網頁,由合伙創辦人連同助理審計經理在內的高級審計團隊,大約20人左右。看網上資料,會栢誠則為上會會計師事務所(特殊普通合夥)(LINK)于香港的成員所。這個委任著實有趣。


=================================

宣傳下:

未必是全港最勤力,但自問言之有物!商業,洞察,價值,心態決定一切!可能係香港最長氣的BLOGGER! 過去成績不代表將來,不過JOIN PATERON不涉及風險,一個月只需一杯咖啡,40個大洋,就可能助養一下薯仔,歡迎大家助養。如果大家想瘋狂跟小薯對話,直接Q爆小薯,歡迎大家加入薯圈TG group,都是需要多一杯咖啡,80個大洋,肯定物超所值!

 

小薯pateronhttps://www.patreon.com/reviewfuturelife

 

當然唔少得FACEBOOK PAGE,實時分享小薯的一些不能成文的簡單想法,大家快趣LIKE爆佢!(小薯希望過2000LIKE呀!)

 

小薯facebookhttps://www.facebook.com/reviewfuturelife

 

當然唔少得小薯兩本拙作,想小薯有機會出第三本,就買要用業績話俾出版社聽先得了!

 

小薯《價值解密——透視企業的核心價值》

▸實體書(全球運送):https://bit.ly/3te6tLA

Google Play 電子書:https://bit.ly/3JHz6Ho

▸各大書店已經上架

 

天窗出版社網上書店《年報解密揭露公司價值真相》

▸實體書(全球運送):https://bit.ly/30V0f6n

另外各大書店均已有售

1 則留言:

Tesla 2022年第四季業績分析:Tesla估值的六個問題

業績排山倒海的來, ASML 同 MSFT 都未睇, TSM 原本都想找時間講下,但呢幾間小薯就算睇遲少少都不太擔心,反而 Tesla 業績小薯會更大興趣。無他的,純粹好玩,就睇下,八卦下!(係咁變態,吹咩!笑!)   收入再創新高   第四季度收入同比增長 37% 至...