ERROR 不只是一個「載體」，而是一種CLS信念（2021年5月23日）

 《ERROR自肥企劃》（下簡稱「自肥」）在星期五落幕，令小薯重拾返失去左很耐，準時「拎凳仔，坐停停，睇電視」嘅感覺。帶俾大家三個禮拜笑聲，星期五播出最後一集，其實真係好唔捨得。

 

《自肥》由第二個星期五，到最後一個星期，有一個很完美的「轉」。格仔導演MIKE導的「堅持」，到每個成員一貫有少少KUSO（惡搞）的自肥企劃完成後，每個成員的心聲演出，將KUSO轉到去深情（特別POKI那段），到最終章唔玩KUSO，唔搞笑，無低俗，只係玩首尾呼應，以《新世紀福音戰士》的ENDING二次創作，用EVA式的《自肥》小劇場，向觀眾講述製作組心裡電視同娛樂節目嘅意義（這個最終章無心插柳的反諷某教母、某名咀批判節目組只懂低俗沒有深度，不過小薯也希望他們看得明）。 

這段劇本長達八分鐘，沒有動作畫面，沒有劇情，只是一張凳，ERROR四子，陳欣妍、沈殷怡（《美女郊遊遊》）和新晉男子跳唱組合P1X3L（《大海男兒》）與「無制限OT編集団」所有成員也有份客串共演這幕戲。顛覆咗觀眾對電視節目嘅想像，一反以往三色台，「畫公仔畫到出腸」、「只談娛樂不談深度」。

獨白中，193說到：「好多人都會自行整理出立體嘅人格，投射落去。」「鏡頭面前，有時我哋只係一組剪接出嚟嘅符號。」肥仔說到：「Error都係符號，係一種意義嘅載體。」其實，係呢個世界，自己從來都唔係「自己」，而係阿爸阿媽，你老婆，你仔女，你朋友，你乜乜物物嘅眼中，投射落去嘅「自己」，只自己除非問返自己個心，做返「自己」，才是「真我」。

 

ERROR由《花姐ERROR遊》系列到《自肥》，不是四子，而是四子與「無制限OT編集団」一個整體的載體。將四子轉為MIRROR，意義已經不同。呢個載體係代表嘅係一個無框架，無枷鎖，無局限嘅生存方式，「世界其實唔係有咁多制肘」，「世界其實唔係有咁多痛楚」，「制肘」、「痛楚」，壓力、無力、迷失，究竟係世界投射給我哋嘅一種符號，定係我哋給世界哋嘅一種載體？自己窮，係為自己嘅思維限制左自己嘅生存方式，定係你唔敢去嘗試突破框架、枷鎖，令自己發達？

 

呢個世界係好多荒謬，係好不公，但係我地有嘅係希望！就好似阿Dee嘅自白：「ERROR並唔係唯一戰鬥緊嘅人，只要一日仲留喺呢片土地上，每一個人都用自己嘅方式，喺自己嘅崗位戰鬥。一個人唔會成功，但如果每一個人都盡力嘅話...」我哋從來唔係一個人。因為如果係一個人，你唔會有立體嘅人格，亦唔會係一個「符號」。但係，只要係自己可以戰鬥嘅崗位，搵到一齊戰鬥緊嘅 場人起立拍掌，並喺出字幕時註明「特別鳴謝：觀眾」，整個團隊，深深明白到，就係「觀眾」，就係呢一大棚人，令到佢呢個「載體」能夠實現佢地對娛樂嘅「信念」。投資，係一個人嘅事，亦都係一棚人嘅事。每個人都係一個個體，亦是一群人嘅個體。係自己堅守自己投資嘅「信念」嘅同時，同一班同自己一樣「信念」嘅群體，一齊戰鬥，最後就可以實現自己投資嘅「信念」，呢個都係小薯建立「薯圈」嘅目的。

 

最後之後嘅最後鏡頭，係MIKE導準備緊第三日嘅拍攝時嘅說話，佢話「拍到而家，都唔肯定出嚟效果會係點，可能好撚尷尬，亦都可能為電視業帶嚟小衝擊，成為一個特別嘅存在。」「但無論結果係點，總之『我哋而家行緊一條好特別嘅路，而呢條路係得我哋先會行』。」呢句話真好係hit到小薯嘅心。我地行嘅路，係人地挑戰set好給我地，好安穩嘅路？定係走一條自己相信，專屬自己嘅道路？為左自己相信嘅野而去冒險，不枉自己嘅一生？但係MIKE導呢一種精神，唔係就係創業家嘅精神，我地嘅香港人嘅精神？一種打不死，一種「衝左先算，打死罷就」嘅併博精神？而正正係呢種精神，成就左香港一頁又一頁嘅光輝神話？

 

小薯唔想過份吹捧《自肥》，因為《自肥》也不是完美，所以MIKE導先咁STRUGGLE，唔知會係老尷，定係衝擊。而ERROR呢個「載體」，只有係自由創作既環境下，先可以造就《花姐ERROR遊》系列到《自肥》一個又一個的經典。過份吹捧只會更股容易引來一班停留係80年代嘅人狙擊，一班唔識寶嘅人抽水。小薯唔知CLS公司幾時唔會CLS，製作團隊幾時唔可以繼續CLS，但呢班CLS嘅團隊，話俾我嘅知，可以CLS果時，就盡力無悔咁CLS，而我地就繼續享受呢班CLS團隊帶給我地別具意義嘅「娛樂」。