好多人會笑大行估點數，笑他們估得闊，笑他們估得離地，笑乜笑7。其實，我們退後一步去想，點解佢地會出呢啲目標價？我哋先唔好係理大行個目標價幾時俾，同埋幾時轉快。其實，這些估點數，都係估值既一種，大行估目標價也是有他的理據。
大行估指數的目標價其實原理好簡單，先估一個基本情境的每點盈利。下一步就是依照目前利率，以及參考過去指數的估計，得出下年指數的估值倍數（通常是市盈率）出來。最後，預估每點盈利 x 估值倍數 = 指數目標價。
情景測試則是在估值上一個普遍且合理的做法。用回恆指的例子，基本情境是下年每點盈利持平。那如果悲觀情景就可能是假設出現經濟衰退，每點盈利會下跌10%；而樂觀情景就可能是軟著陸，每點盈利會上升10%。唔同既情景，得出來既指數目標價也會有出入。
我哋用數字代入就明！假設恆指市盈率係11x，每點盈利是2000點，即是目標價就是22000點。如果每點盈利上升/下跌10%或200點，目標價就會上下浮2200點。估點數，小薯之前都在9月時都討論過（LINK），在公開的pateron文（LINK）也解釋過原理，甚至在Pateron裡，也分享過S&P 500（LINK）和HSI（LINK）的估值。
因此，悲觀情景跟樂觀情景差幾千一萬點，唔係無可能，問題係出係每個情景的假設係點。而我哋其實就係要決定，邊個情景係會最大機率發生！其實，大行要估個範圍窄，可以將情景測試的變化縮少，咁個範圍就會窄好多！可是，合理嗎？好似，小薯好熊，跟大家說，下年會great depression，每點盈利會由預估2022年的1950點，大跌到2023年的1000點，跌49%，利率會大升到10%，零增長，得出來2023年的目標價就是10000點！可是，這些假設合理嗎？
無錯！重點其實唔係大行估就多點，而係佢個目標價背後既假設係乜！我哋笑大行個目標價係可以，但係笑既重點，唔應該係笑佢地估既點數幾多，而係笑佢地估值背後既假設邏輯！
好像大摩調升恆指目標價，如果佢地之前係假設中國下年繼續動態清零，繼續鎖國；而現在有跡象顯示中國會共存，那上調每點盈利，從而上調目標價，其實係好合理！
可是，如果佢地之前假設下年利率係5%，而家調升再目標價的理由是假設下年利率會跌到2%，咁佢地就係too simple，sometimes native，佢被人笑都抵死！
大行報告唔會「狗」寫出來，背後一定做咗好多功課（因為係行業規則要求）。做完基本估算，亦會做敏感性測試和情景測試，睇吓邊個情況發生既機率係最大！傳媒就做標題黨，務求令散戶唔係上ifc天台，就去ifc國金軒！
笑人都要有學問，笑人之前，不如見想想笑人既理據係乜？如果唔係，最好笑既，可能就係自己！
- 未必是全港最勤力，但自問言之有物！商業，洞察，價值，心態決定一切！可能係香港最長氣的BLOGGER！ 一個月只需一杯咖啡，40個大洋，就可以助養一下薯仔，歡迎大家助養。如果大家想瘋狂跟小薯對話，直接Q爆小薯，歡迎大家加入薯圈TG group，都是需要多一杯咖啡，80個大洋，肯定物超所值！
- 當然唔少得FACEBOOK PAGE，實時分享小薯的一些不能成文的簡單想法，大家快趣LIKE爆佢！（小薯希望過2000個LIKE呀！）
- 當然唔少得小薯兩本拙作，想小薯有機會出第三本，就買要用業績話俾出版社聽先得了！
▸實體書（全球運送）：https://bit.ly/3te6tLA
▸實體書（全球運送）：https://bit.ly/30V0f6n
沒有留言:
發佈留言